ຄະນະ ກະເສດສາດ
ມະຫາວິທະຍາໄລແຫ່ງຊາດ
ແນະນຳຄະນະ
ຄະນະກະເສດສາດ ວິທະຍາເຂດນາບົງ ຕັ້ງຢູ່ຫ່າງຈາກໃຈກາງນະຄອນຫລວງວຽງຈັນ 35 ກມ, ໃກ້ກັບບ້ານປາກຊາບໃຫມ່, ເມືອງໄຊທານີ, ມີເນື້ອທີ່ທັງຫມົດ 114 ຣຕ, ໃນນັ້ນ 17 ຣຕ ເປັນພື້ນທີ່ປຸກສ້າງ ແລະ 97 ຣຕ ເປັນພື້ນທີ່ຟາມສາທິດ
ວິໄສທັດ ແລະ ເປົ້າໝາຍ
ວິໄສທັດ
ຄະນະກະເສດສາດເປັນສະຖາບັນການສຶກສາຊັ້ນສູງ ທາງດ້ານກະສິກຳທີ່ນຳໜ້າຢູ້ ສປປ ລາວ ໃກ້ຄຽງກັບລະດັບພາກພື້ນ ແລະ ສາກົນ
ເປົ້າໝາຍ
-
ສ້າງນັກວິຊາການທີ່ມີຄວາມຮູ້, ຄວາມສາມາດ, ຄຸນສົມບັດ, ຈັນຍາບັນ, ແລະ ມີຄວາມສິວິໄລທາງດ້ານແນວຄິດ ແລະ ພຶດຕິກຳ
-
ສົ່ງເສີມ ແລະ ພັດທະນາການຄົ້ນຄ້ວາວິທະຍາສາດສາຂາກະສິກຳໃຫ້ມີຄຸນນະພາບໃກ້ຄຽງລະດັບພາກພື້ນ
-
ພັດທະນາຄະນະວິຊາ ໃຫ້ກາຍເປັນສະຖານທີ່ສະຫງົບ, ສະອາດ, ສີຂຽວ, ແລະ ມີສິ່ງອຳນວຍຄວາມສະດວກໃນການສິດສອນທັນສະໄໝ
ປະຫວັດຄວາມເປັນມາ
1975
ໂຮງຮຽນກະເສດນາບົງໄດ້ສ້າງຕັ້ງຂຶ້ນ ວັນທີ 9 ທັນວາ 1975 ໂດຍປ່ຽນມາຈາກໂຮງຮຽນກະສິກຳ ແລະ ປ່າໄມ້ຊັ້ນກາງ. ສະໝອງນັກວິຊາການໃນ 5 ສາຂາວິຊາ (ປູກຝັງ, ລ້ຽງສັດ, ປ່າໄມ້, ກົນຈັກ ແລະ ຊົນລະປະທານ)
1981
ສາຂາຊົນລະປະທານໄດ້ຍ້າຍອອກໄປວິທະຍາເຂດຕາດທອງ ແລະ ຕັ້ງເປັນວິທະຍາໄລ ຊົນລະປະທານ
1983
ສາຂາວິຊາປ່າໄມ້ໄດ້ຍ້າຍໄປວິທະຍາເຂດດົງໂດກ ແລະ ສ້າງເປັນວິທະຍາໄລປ່າໄມ້ວຽງຈັນ
1986
ສາຂາວິຊາກົນຈັກກະເສດໄດ້ສ້າງຂຶ້ນ ແລະ ຢຸດຕິລົງໃນປີ 1993
1992
ປ່ຽນຊື່ຈາກວິທະຍາໄລກະສິກຳນາບົງເປັນ ໂຮງຮຽນກະສິກຳຊັ້ນສູງນາບົງ. ຢຸດການສອນຊັ້ນກາງໃນປີ 1994
1996
ເຂົ້າເປັນຄະນະວິຊາໜຶ່ງ ຂອງມະຫາວິທະຍາໄລແຫ່ງຊາດ ເອີ້ນວ່າ ຄະນະກະເສດສາດ ແລະ ປ່າໄມ້ ຂຶ້ນກັບກະຊວງສຶກສາທິການໃນປີ 2000, ຂະແໜງປ່າໄມ້ ໄດ້ແຍກອອກເປັນຄະນະປ່າໄມ້ວິທະຍາເຂດດົງໂດກ
ໂຄງຮ່າງການຈັດຕັ້ງ
“ຊີ້ນຳລວມ, ພາກວິຊາເສດຖະກິດກະສິກຳ ແລະເຕັກໂນໂລຊີອາຫານ, ພາກວິຊາລ້ຽງສັດ ແລະ ການປະມົງ, ການເງິນ-ສັບສິນ ແລະ ພະແນກຈັດຕັ້ງ-ສັງລວມ ແລະ ວຽກງານປ້ອງກັນ”
ວ່າການແທນ ຄະນະບໍດີ
ຮສ.ປອ. ວັນນະພອນ ພຸດທະນາ
“ຊີ້ນຳ ພາກວິຊາ ປູກຝັງ, ພະແນກວິຊາການ, ພະແນກສຶກສາຫຼັງປະລິນຍາຕີ ແລະ ພະແນກຫໍສະໝຸດ”
ຮອງຄະນະບໍດີ
ອຈ. ປອ. ພູວິນ ພູສະຫວັນ
“ຊີ້ນຳ ພາກວິຊາສັດຕະວະແພດ, ພະແນກຄົ້ນຄວ້າວິທະຍາສາດ ແລະ ບໍລິການວິຊາການ ແລະ ພະແນກຄຸ້ມຄອງນັກສຶກສາ”
ຮອງຄະນະບໍດີ
ຮສ. ປອ. ນ. ດາວວີ ກອງມະນີລາ
“ຊີ້ນຳ”