ໃນຄັ້ງວັນທີ 25-29 ສີງຫາ 2024 ທີ່ຜ່ານມາອາຈານປະຈໍາ ພາກວິຊາສັດຕະວະແພດ ປອ.ສຸລະສັກ ວັນນະມະຫາໄຊ ຫົວໜ້າໜ່ວຍວິຊາປິ່ນປົວສັດ ແລະ ນັກສຶກສາສັດຕະວະແພດປີທີ 6 ມີໂອກາດນໍາສະເໜີຜົນງານຄົ້ນຄວ້າໃນກອງປະຊຸມສໍາມະນາວິຊາການລະຫວ່າງ ວິທະຍາໄລ ສັດຕະແພດ ມ.ກອນກຸກ ແລະ ຄະນະກະເສດສາດ, ມະຫາວິທະຍາໄລແຫ່ງຊາດລາວ

ໃນງານປະຊຸມດັ່ງກ່າວ ປອ ສຸລະສັກ ວັນນະມະຫາໄຊ ໄດ້ນໍາສະເໜີສະພາບລວມ ແລະ ສິ່ງທ້າທ້າຍກ່ຽວກັບວຽກງານສັດຕະວະແພດໃນ ສປປລາວ ໃນນັ້ນໄດ້ຍົກໃຫ້ເຫັນເຖີງບັນຫາ, ຂໍ້ຈໍາກັດໃນການສ້າງບຸກຄະລາກອນສັດຕະວະແພດໃນລະດັບມະຫາວິທະຍາໄລ, ບາງສະພາບການລະບາດຂອງພະຍາດສັດ. ນອກນັ້ນນ້ອງໆສັກສຶກສາໄດ້ແບ່ງປັນຂໍ້ມູນງານວິໄຈ ໃນຫົວຂໍ້ ເຊື້ອຕ້ານຕໍ່ຢາຕ້ານເຊື້ອໃນສັດເສດຖະກິດ ແລະ ອັດຕາການຕິດເຊື້ອພະຍາດແທ້ງຕິດຕໍ່ໃນສັດ. ການຮ່ວມມືດັ່ງກ່າວໄດ້ມີການປຶກສາຫາລືການຮ່ວມມືໃນຕໍ່ໜ້າ ໂດຍສະເພາະດ້ານການຮຽນການສອນ, ການແລກປ່ຽນກິດຈະກໍານັກສຶກສາ, ການຄົ້ນຄວ້າວິໄຈ ແລະ ການນໍາໃຊ້ເຕັກໂນໂລຢີທາງດ້ານສັດຕະວະແພດ

ພາກປະຕິບັດການການຈັດການໃນການປ້ອງກັນການຂ້າເຊື້ອພະຍາດກ່ອນເຂົ້າໃນຟາມສັດ

ວິຊາການຈັດການຄວາມປອດໄພທາງຊີວະພາບ ແລະ ສິ່ງເສດເຫຼືອຈາກສັດ

ໃນຄັ້ງວັນທີ 10-13/02/2023 ທີຜ່ານມາ ພາກວິຊາ ສັດຕະວະແພດ, ຄະນະກະເສດສາດ, ມຊ, ຮ່ວມມືກັບອົງການສັດຕະວະແພດບໍ່ມີພົມແດນ ສ.ເກົາຫຼີ  ໄດ້ຈັດຕັ້ງກິດຈະກຳໃຫ້ບໍລິການດ້ານວິຊາການ ສັດຕະວະແພດໂດຍບໍ່ເສຍຄ່າໃຊ້ຈ່າຍ (ຟຣີ) ໃຫ້ແກ່ສັດລ້ຽງປະເພດໝາແມວໃນຂົງເຂດ ນະຄອນຫຼວງວຽງຈັນ. 

ກິດຈະກຳດັ່ງກ່າວໃຫ້ກຽດເປັນປະທ່ານໂດຍທ່ານ ອຈ ປອ ວັນນະພອນ ພຸດທະນາ ຮອງຄະນະບໍດີຄະນະກະເສດສາດ ແລະ ທ່ານ Dr. Jae-Young Kim ປະທານອົງການສັດຕະວະແພດບໍ່ມີພົມແດນສ.ເກົາຫຼີ ພ້ອມດ້ວຍຄະນະທີມງານອາຈານ ແລະ ຜູ້ຊ່ຽວຊານດ້ານສັດຕະວະວະແພດຂອງສອງປະເທດ

ຈຸດປະສົງຂອງກິດຈະກຳໃນຄັ້ງນີ້ແມ່ນເປັນການແລກປ່ຽນທາງດ້ານວິຊາການສັດຕະວະແພດ ແລະ ໃຫ້ບໍລິການແກ່ສັງຄົມ. ໂດຍເນັ້ນໃສ່ການຜ່າຕັດສັນຍະກຳເຮັດໝັນ, ໃຫ້ຄຳປຶກສາດ້ານສຸຂະພາບສັດລ້ຽງແກ່ເຈົ້າຂອງສັດທີ່ນຳມາເຂົ້າຮ່ວມກິດຈະກຳ. ກິດຈະກຳດັ່ງກ່າວແມ່ນມີຜົນຕອບຮັບເປັນຢ່າງດີ ເຊີງມີສັດລ້ຽງເຂົ້າຮ່ວມກິດຈະກຳຜ່າຕັດເຮັດໝັນໃນຄັ້ງນີ້ເປັນຈຳນວນຫລາຍ ລວມທັງໝົດ 75 ໂຕ. ອີງໃສ່ການຮ່ວມມືດັ່ງກ່າວ ກິດຈະກຳດັ່ງກ່າວຍັງຈະຍັງຄົງສືບຕໍ່ ແລະ ເກີດຂື້ນທຸກໆປີ

ນຳສະເໜີຂໍ້ມູນໂດຍ: ປອ. ສຸລະສັກ ວັນນະມະຫາໄຊ ຜູ້ປະສານງານໂຄງການ, ອາຈານປະຈຳພາກວິຊາ ສັດຕະວະແພດ, ຄະນະກະເສດສາດ ມຊ.        

ນໍາພານັກສຶກສາສັດຕະວະແພດປີ 6 ເຮັດພາກປະຕິບັດ ວິຊາຄຼີນິກປິ່ນປົວສັດໃຫຍ່ ສອນໂດຍ ອາຈານ ສີສະຫວັດ ພົມມະສີຈັນ 

ໂດຍການນຳພານັກສຶກສາສັກຢາປ້ອງກັນພະຍາດໃຫ້ງົວຟາມຜະລິດຄະນະກະເສດສາດ ແລະ ຟາມງົວປະຊາຊົນບ້ານອ້ອມຂ້າງ