ໜ່ວຍວິຊາປ້ອງກັນພືດ ພາກວິຊາປູກຝັງ ຄະນະກະເສດສາດ (ຄກສ) ມະຫາວິທະຍາໄລແຫ່ງຊາດ (ມຊ) ໄດ້ສ້າງກິດຈະກໍາການແຂ່ງຂັນສາມັກຄີພາຍໃນສາຂາວິຊາປ້ອງກັນພືດທັງປີ 1 ຫາ ປີທີ 4 ພາຍໃຕ້ຫົວຂໍ້ “ພັດທະນາກະສິກໍາ ຕາມວິທີລາວ ສ້າງຄວາມສາມັກຄີ ປູກຈິດສໍານຶກແດ່ນັກສິກສາປ້ອງກັນພືດ ຕາມ 5 ຫຼັກມູນຂອງການສຶກສາລາວ”
ຄະນະ ກະເສດສາດ
ມະຫາວິທະຍາໄລແຫ່ງຊາດ
ພາກວິຊາປູກຝັງ
ພາກວິຊາປູກຝັງ ແມ່ນພາກວິຊາໜື່ງທີ່ສັງກັດຢູ່ໃນການຈັດຕັ້ງຂອງຄະນະກະເສດສາດ ມະຫາວິທະຍາໄລແຫ່ງຊາດ ວິທະຍາເຂດນາບົງ ມີພາລະບົດບາດໃນການພັດທະນາຊັບພະຍາກອນມະນຸດໃຫ້ກາຍເປັນນັກວິຊາການ ດ້ານການປູກຝັງ, ການວິໄຈດິນ ແລະ ການປ້ອງກັນພືດ. ນອກນັ້ນຍັງຄົ້ນຄວ້າວິໄຈດ້ານການຜະລິດພືດ, ການປັບປຸງດິນ ແລະ ການປ້ອງກັນກຳຈັດພະຍາດພືດ ແລະ ແມງໄມ້ສັດຕູພືດເພື່ອອອກຮັບໃຊ້ສັງຄົມ.
ໂຄງຮ່າງການຈັດຕັ້ງ
ສີ່ງອຳນວຍຄວາມສະດວກ
- ຫ້ອງທົດລອງວິໄຈດິນ
- ຫ້ອງທົດລອງການປ້ອງກັນພືດ
- ແປງສາທິດແລະເຮືອນຮົ່ມການປູກຝັງ(ການປັບປຸງພັນ, ການຜະລິດພືດອິນຊີ,ການຜະລິດກະສິກຳທີ່ດີ)
- ເຮືອນກ້າເບ້ຍ, ເຮືອນປູກເຫັດ ແລະ ເຮືອນຝຸ່ນບົ່ມ
ການຄົ້ນຄວ້າວິທະຍາສາດ
- ການປັບປຸງດິນ
- ການປັບປຸງພັນເຂົ້າ
- ການປູກພືດອິນຊີ
- ການຄວບຄຸມພະຍາດພືດ ແລະ ແມງໄມ້ສັດຕູພືດ
- ການປູກພືດນອກລະດູ
- ການສຳຫຼວດຄວາມຫຼາກຫຼາຍຂອງແມງປີກແຂງປ່າສະຫງວນແຫ່ງຊາດພູພະນັງ (ແຂວງ ວຽງຈັນ) ແລະ ປ່າສະຫງວນແຫ່ງຊາດດົງຫົວສາວ (ແຂວງ ຈຳປາສັກ)
- ການປູກເມລ່ອນ
ການບໍລິການວິຊາການ
ຝຶກອົບຮົມ ແລະ ເປັນທີ່ປຶກສາ:
- ການຜະລິດພືດອິນຊີ
- ການຜະລິດກະສິກຳທີ່ດີ
- ການປູກເຫັດ
- ການວິໄຈດິນ ແລະ ການປັບປຸງດິນ
- ການຄວບຄຸມພະຍາດພືດແລະແມງໄມ້ສັດຕູພືດ
ເຫັດນາງລົມ ແລະຂອນຂາວ ນັກສຶກສາ ສາວປ້ອງກັນພືດ ກໍາລັງເບັ່ງບານ
ເຫັດເປັນທີ່ຊາບກັນດີຕິດພັນກັບວິຖີຊີວິດຂອງປະຊາຊົນລາວມາແຕ່ດົນນານ ເຊິ່ງມີທົ່ວໄປຫາໄດ້ໃນທໍາມະຊາດຂອງລາວ ແຕ່ໄລຍະໄກ້ໆທີ່ຜ່ານມາມີທ່າທີຫລຸດໜ້ອຍຖອຍລົງ ແລະມີລາຄາຂ້ອນຂ້າງສູງຂຶ້ນ ດັ່ງນັ້ນ, ການປູກເຫັດຈຶ່ງເປັນບັນຫານຶ່ງທີ່ໄດ້ຍົກຂຶ້ນມາຢູ່ແຖວໜ້າຂອງໜ່ວຍວິຊາປ້ອງກັນພືດ ພາກວິຊາປູກຝັງ ຄະນະກະເສດສາດ (ຄກສ)ມະຫາວິທະຍາໄລແຫ່ງຊາດ (ມຊ)
ໝວດໝູ່ຍ່ອຍ
ພາກວິຊາປູກຝັງ 0
ພາກວິຊາປູກຝັງເປັນພາກໜຶ່ງທີ່ສັງກັດຢູ່ໃນ ຄະນະກະເສດສາດ, ມຊ, ພາຍໃຕ້ການຊີ່ນຳໂດຍກົງຂອງ ທ່ານ ຮສ. ທອງຫຼອມ ພົມມະວົງ (ຮອງຄະນະບໍດີ ຄະນະກະເສດສາດ), ນຳພາໂດຍ ຊອ. ສົມສະນຸກ ພອນປະດິດ (ຫົວໜ້າພາກປູກຝັງ) ແລະ ທ່ານ ອຈ. ປອ. ນ. ພີມມະສອນ ສີສຸວັນ (ຮອງຫົວໜ້າພາກປູກຝັງ), ປອ. ນ. ພູດທະສອນ ສີບຸນນະວົງ (ຮອງຫົວໜ້າພາກປູກຝັງ) ແລະ ຊອ. ທອງມະນີ ໄຊຍະສີນ (ຮອງຫົວໜ້າພາກປູກຝັງ)
ພາກວິຊາປູກຝັງປະກອບດ້ວຍ 3 ໜ່ວຍວິຊາຄື:
1. ໜ່ວຍວິຊາປູກຝັງ
2. ໜ່ວຍວິຊາປ້ອງກັນພືດ
3. ໜ່ວຍວິຊາດິນ ແລະ ຝຸ່ນ
