ໃນຕອນເຊົ້າຂອງວັນທີ 4 ມັງກອນ 2018 ທີ່ຜ່ານມານີ້, ຟາມວິໃຈ ແລະ ພັດທະນາການລ້ຽງງົວຊີ້ນ, ພາກວິຊາລ້ຽງສັດ, ຄະນະກະເສດສາດ, ມະຫາວິທະຍາໄລແຫ່ງຊາດ. ເປັນກຽດຢ່າງສູງທີ່ໄດ້ຕ້ອນຮັບການມາຢ້ຽມຢາມຂອງ ທ່ານຫົວໜ້າຫ້ອງການສະພາວິທະຍາສາດ, ກະຊວງວິທະຍາສາດ ແລະ ເຕັກໂນໂລຊີ, ໂດຍການຕ້ອນຮັບຂອງທ່ານ ປອ. ວຽງສະກຸນ ນາປະເສີດ (ຮອງ ພາກວິຊາລ້ຽງສັດ ແລະ ການປະມົງ) ທັງເປັນຜູ້ຮັບພິດຊອບໜ່ວຍງານລ້ຽງສັດ.
ການມາຢ້ຽມຢາມຄັ້ງນີ້ ທ່ານ ຫົວໜ້າຫອ້ງການສະພາວິທະຍາສາດ, ກະຊວງວິທະຍາສາດ ແລະ ເຕັກໂນໂລຊີ ໄດ້ໃຫ້ຄວາມສຳຄັນ ແລະ ສົນໃຈກ່ຽວກັບການລ້ຽງງົວຊີ້ນ (ການທອມງົວ) ໂດຍການນຳໃຊ້ສິ່ງເສດເຫຼືອຈາກກະສິກຳ ແລະ ອຸດສາຫະກຳເພື່ອຫຼຸດຕົ້ນທຶນໃນການຜະລິດ ແລະ ສ້າງລາຍຮັບໃຫ້ຫຼາຍຂຶ້ນ.