ໃນຕອນແລງຂອງ ວັນທີ 27 ທັນວາ 2017 ນີ້, ພາກວິຊາລ້ຽງສັດ ແລະ ການປະມົງ, ຄະນະກະເສດສາດ, ມະຫາວິທະຍາໄລແຫ່ງ. ໄດ້ຈັດງານກິລາສາມັກຄີສົ່ງທ້າຍປີເກົ່າຕ້ອນຮັບປີໃໝ່ ປະຈໍາປີ 2018 ຂຶ້ນ, ເປັນກຽດເຂົ້າຮ່ວມໂດຍ ທ່ານ ຮສ. ຟອງສະມຸດ ສຸທຳມະວົງ, ຄະນະບໍດີ, ຄະນະກະເສດສາດ, ມຊ. ແລະ ມີບັນດາທ່ານຮອງຄະນະບໍດີ, ຫົວໜ້າຫ້ອງການ, ພະນັກງານທີ່ກ່ຽວຂ້ອງ ແລະ ບັນດານັກສຶກສາ ໄດ້ເຂົ້າຮ່ວມຢ່າງຟົດຟື້ນ.
ໂອກາດນີ້ ທ່ານ ຮສ. ທອງຫຼອມ ພົມມະວົງ ຫົວໜ້າພາກວິຊາລ້ຽງສັດ ແລະ ການປະມົງ ໃຫ້ກຽດກ່າວເປີດງານກິລາສາມັກຄີຢ່າງເປັນທາງການ, ໃນຖານະທີ່ຕົນເອງເປັນເຈົ້າພາບ ຕ່າງໜ້າພາກວິຊາລ້ຽງສັດ-ປະມົງ ຖືເປັນກຽດເປີດງານກິລາສາມັກຄີປະຈຳເດືອນຄັ້ງນີ້ຂຶ້ນຢ່າງເປັນທາງການ.
ລາຍງານໂດຍ: ຊ.ສີສັນ