ຊົມເຊີຍຜົນງານນັກສຶກສາ ຄະນະກະເສດສາດ, ມຊ. ໃນເວທີອາຊຽນ

ໃນຊ່ວງວັນທີ 27-29 ມີຖຸນາ 2018 ນີ້ ຄະນະກະເສດສາດໄດ້ສົ່ງນັກສຶກສາຈໍານວນ 8 ນ້ອງ ໄປຮ່ວມແຂ່ງຂັນທັກສະວິທະຍາສາດສັດອາຊຽນຄັ້ງທີ 3 ແລະ ການແຂ່ງຂັນທາງວິທະຍາສາດກະສິກຳອາຊຽນຄັ້ງທີ 1 ທີ່ນະຄອນຣາຊະສີມາ, ປະເທດໄທ ໂດຍການເປັນເຈົ້າພາບຂອງ ມະຫາວິທະຍາໄລຣາຊະມັງຄະລາເຕັກໂນໂລຊີອີສານ (Rajamagala University of Technology Isan, RMUTI) ໂດຍການນໍາພາຂອງ ອຈ.ປອ.ວຽງສະກຸນ ນາປະເສີດ, ອາຈານ ສົມສະໜຸກ ພອນປະດິດ ແລະ ອາຈານ ໄຊຊະນະ ປັນຍາວົງ. ຈຸດປະສົງຂອງການຈັດການແຂ່ງຂັນນີ້ ນອກຈາກຈະເປັນເວທີການສະແດງອອກທາງດ້ານທິດສະດີ, ທັກສະທີ່ຜ່ານການປະຕິບັດໂຕຈິງແລ້ວ ຍັງເປັນເວທີໃນການຮ່ວມມື-ແລກປ່ຽນຮຽນຮູ້ລະຫວ່າງນັກສຶກສາ, ອາຈານ ຂອງແຕ່ລະສະຖາບັນ ໃນ 4 ປະເທດຄື: ໄທ, ຫວຽດນາມ, ກໍາປູເຈຍ ແລະ ສປປ ລາວ, ການແຂ່ງຂັນຄັ້ງນີ້ປະກອບດ້ວຍ 12 ມະຫາວິທະຍາໄລ ແລະ ມີພະນັກງານ, ອາຈານ, ນັກສຶກສາ ເຂົ້າຮ່ວມທັງໝົດ 330 ຄົນ; ມີການແຂ່ງຂັນທັກສະກະສິກຳ ດ້ານການປູກຝັງ, ລ້ຽງສັດ, ສັດຕະວະແພດ, ການແປຮູບອາຫານ ທັງໝົດ 16 ທັກສະ ໃນນັ້ນທີມນັກສຶກສາລາວຍາດມາໄດ້ລວມ 5 ຫຼຽນຄື: 2 ຫຼຽນຄຳ, 2 ຫຼຽນເງິນ, 1 ຫຼຽນທອງແດງ ແລະ 3 ລາງວັນຊົມເຊີຍ ລາຍລະອຽດດັ່ງຕາຕະລາງຂ້າງລຸ່ມນັ້ນ.

ຫຼັງຈາກທີມນັກສຶກສາແລະອາຈານນຳມາກັບຈາກການແຂ່ງຂັນທີ່ປະເທດໄທແລ້ວ ໃນວັນທີ 4/7/2018 ທາງອົງການຈັດຕັ້ງ-ການນຳ ຄກສ. ກໍ່ໄດ້ຈັດຕັ້ງພິທີຊົມເຊີຍແລະມອບໃບຍ້ອງຍໍໃຫ້ແກ່ ບັນດານັກສຶກສາ, ອາຈານນຳພາ, ອາຈານຄູຝຶກ ແລະ ຄະນະຊີ້ນຳ ຢ່າງສົມກຽດ ໂດຍໃຫ້ກຽດເປັນປະທານມອບໃບຍ້ອງຍໍແມ່ນ ຮສ.ຟອງສະມຸດ ສຸທຳມະວົງ ຄະນະບໍດີຄະນະກະເສດສາດ

1Asean skill 2018 3

1Asean skill 20189 4

. 1Asean skill 2018 5

1Asean skill 2018 6

ລຳດັບ	ລາຍຊື່ຜູ່ເຂົ້າແຂ່ງຂັນ	ສາຂາ	ລາຍການແຂ່ງຂັນ	ປະເພດລາງວັນ
1	ນ. ແພ ຫົງສາ	ລ້ຽງສັດ-ປະມົງ	ຖາມ-ຕອບ ວິທະຍາສາດສັດກະສິກຳ Animals Science Quiz	ຫຼຽນຄຳ
	ທ. ວົງເດືອນ ພົມມະສິດ	ສັດຕະວະແພດ
2	ນ. ວິນິນດາ ວົງໄຊຍະ	ເສດຖະກິດກະສິກຳ-ເຕັກໂນໂລຊີອາຫານ	ປຸງແຕ່ງໂຢເກິດຈາກນົມແບ້ Drinking Yogurt from Goat Milk	ຫຼຽນຄຳ
	ນ. ເຢ້ຊົ່ງ ປັດໃຈ	ເສດຖະກິດກະສິກຳ-ເຕັກໂນໂລຊີອາຫານ
3	ທ. ສິນທອນ ບໍລະດີ	ປູກຝັງ	ເຂົ່າດ້າມຈົກ Replacing a Hoe Handle-Land Preparation for cropping Preparation	ຫຼຽນເງິນ
	ນ. ຫຼີວ ຜິວວັນນາ	ປູກຝັງ
4	ນ. ແພ ຫົງສາ	ລ້ຽງສັດ-ປະມົງ	ແຍກເພດເປັດ Sexing Duckling	ຫຼຽນເງິນ
	ທ. ບຸນທະວີ ວົງໄຊ	ລ້ຽງສັດ-ປະມົງ
5	ທ. ຕູ້ນີ້ ຄຳສຸກຖາວົງ	ລ້ຽງສັດ-ປະມົງ	ການເຮັດວັດຊິນໄກ່ Vaccinated Skill	ຫຼຽນທອງແດງ
	ທ. ວົງເດືອນ ພົມມະສິດ	ສັດແພດ
6	ທ. ສິນທອນ ບໍລະດີ	ປູກຝັງ	ຕອນກິ້ງ-ຕອນຫງ້າ Layering and Grafting	ຊົມເຊີຍ
	ນ. ຫຼີວ ຜິວວັນນາ	ປູກຝັງ
7	ນ. ແພ ຫົງສາ	ລ້ຽງສັດ-ປະມົງ	ການແຍກໄຂ່ Egg Grading	ຊົມເຊີຍ
	ທ. ຕູ້ນີ້ ຄຳສຸກຖາວົງ	ລ້ຽງສັດ-ປະມົງ
8	ທ. ບຸນທະວີ ວົງໄຊ	ລ້ຽງສັດ-ປະມົງ	ການລົ້ມງົວ Casting Cattle	ຊົມເຊີຍ
	ທ. ຕູ້ນີ້ ຄຳສຸກຖາວົງ	ລ້ຽງສັດ-ປະມົງ
	ນ. ແພ ຫົງສາ	ລ້ຽງສັດ-ປະມົງ
	ທ. ວົງເດືອນ ພົມມະສິດ	ສັດຕະວະແພດ

ຮູບພາບແລະວີທີທັດປະກອບ:

ລາຍງານໂດຍ: ວ.ຊະນະ

ພາກວິຊາ