ວັນທີ 9 ເມສາ 2018 ພາກວິຊາລ້ຽງສັດ - ການປະມົງ ຈັດພິທີອວຍພອນເຊີ່ງກັນ ແລະ ກັນຂຶ້ນ ໃນໂອກາດສະເຫຼີມສະຫຼອງສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ລາວ ພສ 2561 ທີ່ຟາມວິໃຈ ແລະ ພັດທະນາການລ້ຽງງົວ. ໂດຍເປັນປະທານຂອງ ທ່ານ ຮສ. ທອງຫຼອມ ພົມມະວົງ ຫົວໜ້າພາກວິຊາລ້ຽງສັດ-ການປະມົງ, ຄກສ, ມຊ. ພ້ອມດ້ວຍຄະນະນຳຂອງຄະນະກະເສດສາດ ທ່ານ ຮສ ສົມພັນ ປາຊູວ່າງ ຮອງຄະນະບໍດີຄະນະກະເສດສາດ, ທ່ານ ອຈ ທອງອູ້ມ ອິນທະພອນ ຮອງຄະນະບໍດີຄະນະກະເສດສາດ ແລະ ທ່ານ ອຈ ຄຳ ພົມມະຈັນ ຮອງຄະນະບໍດີຄະນະກະເສດສາດ ແລະ ອາຈານທົ່ວພາກລ້ຽງສັດ-ການປະມົງ ຕະຫຼອດຮອດພະນັກງານບຳນານ, ແຂກທີ່ຖືກເຊີນ ແລະ ນັກສຶກສາຝຶກຫັດງານເຂົ້າຮ່ວມ.
ໃນງານລ້ຽງອັນມີຄວາມໝາຍຄວາມສຳຄັນນີ້ ທ່ານ ອຈ. ປອ. ວຽງສະກຸນ ນາປະເສີດ (ເຈົ້າພາບຈັດງານ) ຕ່າງໜ້າໃຫ້ພາກລ້ຽງສັດ-ການປະມົງ ໄດ້ຂຶ້ນກ່າວອວຍພອນປີໃໝ່ ຈົ່ງໃຫ້ບັນດາທ່ານຄະນະນຳ, ຫົວໜ້າ, ອາຈານ, ພະນັກງານບຳນານ ແລະ ນັກສຶກສາ ຈົ່ງມີສຸຂະພາບແຂງແຮງ ພ້ອມກັນສຸມໃສ່ຈັດຕັ້ງປະຕິບັດໜ້າທີ່ວຽກງານ ທີ່ຂັ້ນເທິງມອບໝາຍໃຫ້ມີຜົນສຳເລັດ ແລະ ຍາດໄດ້ຜົນງານອັນໃຫຍ່ຫຼວງ. ພ້ອມກັນນີ້ກໍ່ໄດ້ຫົດສົງນ້ຳຫອມໃຫ້ ຄະນະນຳ, ຫົວ ໜ້າຕະຫຼອດຮອດອາຈານ ແລະ ນັກສຶກສາເຂົ້າຮ່ວມຢ່າງມ່ວນຊື້ນ ຈາກນັ້ນກໍ່ໄດ້ມີພາເຂົ້າສາມັກຄີ ແລະ ຮ່ວມມ່ວນຊຶ່ນຕາມປະເພນີລາວ.
ລາຍງານໂດຍ: ຊ.ສີສັນ