ໃນຕອນບ່າຍຂອງວັນທີ 21/3/2018 ນີ້, ໜ່ວຍພັກລ້ຽງສັດ ແລະ ການປະມົງ ໄດ້ສ້າງຂະບວນການອອກແຮງງານຕ້ອນຮັບວັນສ້າງຕັ້ງພັກຂອງໂຮງຮຽນ, ການສ້າງຂະບວນການໃນຄັ້ງນີ້ ກໍ່ເພື່ອຄ້ຳນັບຮັບຕ້ອນວັນສ້າງຕັ້ງພັກ ຂອງໜ່ວຍພັກລ້ຽງສັດ, ຄກສ, ມຊ. ໂດຍມີອາຈານ ແລະ ນັກສຶກສາທົ່ວພາກລ້ຽງສັດ-ການປະມົງ ແລະ ສັດຕະວະແພດ ປີທີ 1 ຮອດ ປີທີ 4 ເຂົ້າຮ່ວມ, ໃນນັ້ນມີອາຈານເຂົ້າຮ່ວມທັງໝົດ 14 ຄົນ, ຍິງ 7 ຄົນ ແລະ ນັກສຶກສາເຂົ້າຮ່ວມທັງໝົດ 233 ຄົນ ຍິງ 96 ຄົນ, ໃນການອອກແຮງງານຄັ້ງນີ້ ກໍ່ເພື່ອອານາໄມຂອບເຂດຟາມ ຄກສ ແລະ ເຂດດິນອອ້ມເຮື້ອນພັກອາຈານ, ໂດຍການຖາງກຳຈັດວັດສະພືດ, ເກັບຂີ້ເຫຍື້ອ ແລະ ຈູດກິ່ງໄມ້, ໃບໄມ້ຕ່າງໆ. ອາຈານ ແລະ ນັກສຶກສາກໍ່ພາກັນອອກແຮງງານຢ່າງຫ່າວຫັນ ແລະ ພ້ອມພຽງ.
ລາຍງານໂດຍ: ຊ.ສີສັນ