ໃນວັນທີ 7-11 ຕຸລາ 2018 ຜ່ານມານີ້, ຄະນະອາຈານຕົວແທນຈາກກະເສດສາດນາບົງ, ມະຫາວິທະຍາໄລແຫ່ງຊາດ (ຝ່າຍລາວ) ຈຳນວນ 3 ທ່ານ ໄດ້ເຂົ້າຮ່ວມກອງປະຊຸມລະດັບພາກພື້ນ (ອາຊຽນ) ກ່ຽວກັບໂຄງການລິເລີ່ມດ້ານພະລັງງານ ແລະ ສະພາບອາກາດແບບມີການຈັດການ ຂອງຊຸມຊົນສຳລັບປະເທດໄທ ແລະ ປະເທດເພື່ອນບ້ານ, ໂດຍມີຕົວແທນ 4 ປະເທດເຂົ້າຮ່ວມຄື: ໄທ (Thailand), ລາວ (Lao), ກຳປູເຈຍ (Cambodia) ແລະ ມຽນມາ (Myanmar) ແລະ ມີຜູ່ເຂົ້າຮ່ວມລວມທັງໝົດ 29 ທ່ານ. ຝ່າຍປະເທດລາວນຳທິມໂດຍ ທ່ານ ປອ. ວຽງສະກຸນ ນາປະເສີດ (ຮອງພາກວິຊາລ້ຽງສັດ-ການປະມົງ). ຄກສ. ມຊ, ທ່ານ ປທ. ສົມສະໜຸກ ພອນປະດິດ (ຮອງພາກວິຊາປູກຝັງ) ຄກສ. ມຊ ແລະ ທ່ານ ປຕ. ໄຊຊະນະ ປັນຍາວົງ (ໜ່ວຍວິຊາລ້ຽງສັດ). ຄກສ. ມຊ. ໂດຍການເປັນປະທານເປີດກອງປະຊຸມແມ່ນປະທານ PDA, Mr. Wilas Techo ແລະ ກ່າວຕ້ອນຮັບຄັ້ງນີ້ໂດຍ ແມ່ນຕົວແທນຂອງ KAS, Mr. Georg Gafron.
ໃນກອງປະຊຸມ, ໄດ້ມີການນຳສະເໜີຜົນງານວິໃຈການນຳໃຊ້ພະລັງງານທົດແທນ (Solar) ແລະ ການກຳຈັດມົນລະພິດໃນອາກາດຂອງຟາມຜະລິດສັດໃນຮູບແບບ (Bio gas), ຊຶ່ງມີຫົວຂໍ້ນຳສະເໜີທັງໝົດ 12 ຫົວຂໍ້, ໃນນັ້ນຝ່າຍລາວນຳສະເໜີການຜະລິດສັດໃນປະເທດລາວ (Green Production in Lao).
ພາຍຫຼັງສຳເລັດການນຳສະເໜີຜົນງານຂອງແຕ່ລະເຊົ້າ ຈາກນັ້ນຕອນບ່າຍຂອງແຕ່ລະມື້ກໍ່ໄດ້ລົງ ຢ້ຽມຊົມສະຖານທີ່ຕ່າງໆເຊັ້ນ: ໂຮງຮຽນມີໄຊ, ສູນມີໄຊ, ເຄືອຄ່າຍຂອງມີໄຊ, ຊຸມຊົນຕົວແບບ ແລະ ຟາມຕົວແບບ ໃນການນຳໃຊ້ພະລັງງານ Solar ເຂົ້າໃນການຜະລິດກະສິກຳ ເພື່ອຫຼຸດຕົ້ນທຶນຄ່າໃຊ້ຈ່າຍຈາກໄຟຟ້າ, ເພິ່ມກຳໄລ ແລະ ການກຳຈັດມົດລະພິດຈາກມູນສັດ ໂດຍການເຮັດ (BIO GAS) ໃຊ້ໃນຊີວິດປະຈຳວັນ.
ລາຍງານໂດຍ: ວ.ຊະນະ