ຄະນະກະເສດສາດ ຈັດພິທີປູກພືດອາຫານສັດປະຈຳປີ 2018
ຄະນະ ກະເສດສາດ
ມະຫາວິທະຍາໄລແຫ່ງຊາດ
ພາກວິຊາລ້ຽງສັດ ແລະ ການປະມົງ
| ທີ່ຕັ້ງ | ຫ້ອງ 304 |
| ຫົວໜ້າພາກວິຊາລ້ຽງສັດ-ປະມົງ | - |
| ຕິດຕໍ່ຫ້ອງການ | +856 21870052 |
ໂຄງຮ່າງການຈັດຕັ້ງພາກວິຊາ ລ້ຽງສັດ ແລະ ການປະມົງ
ພາກວິຊາລ້ຽງສັດ ແລະ ການປະມົງ ເປັນພາກໜຶ່ງທີ່ຂຶ້ນກັບຄະນະກະເສດສາດ, ມຊ, ພາຍໃຕ້ການຊີ່ນຳໂດຍກົງຂອງ ທ່ານ ຮສ. ທອງຫຼອມ ພົມມະວົງ (ຮອງຄະນະບໍດີ ຄະນະກະເສດສາດ), ນຳພາໂດຍ ທ່ານ ປອ. ວຽງສະກຸນ ນາປະເສີດ (ຮອງຫົວໜ້າພາກວິຊາລ້ຽງສັດ - ການປະມົງ) ແລະ ທ່ານ ປອ. ພູວິນ ພູສະຫັວນ (ຮອງຫົວໜ້າພາກວິຊາລ້ຽງສັດ-ການປະມົງ) ພາກວິຊາລ້ຽງສັດ-ປະມົງປະກອບດ້ວຍ 4 ໜ່ວຍວິຊາຄື:
1. ໜ່ວຍວິຊາກະເພາະດ່ຽວ
2. ໜ່ວຍວິຊາລ້ຽງສັດນໍ້າ
3. ໜ່ວຍວິຊາການປະມົງໃນແຫຼ່ງນໍ້າ
4. ໜ່ວຍວິຊາຄົ້ນຄວ້າວິໄຈ
ພາລະບົດບາດ
ໜ້າທີ່ ແລະ ຂອບເຂດສິດຂອງຫົວໜ້າ ແລະ ຮອງຫົວໜ້າພາກວິຊາ, ຫົວໜ້າໜ່ວຍວິຊາ
1. ໜ້າທີ່ ແລະ ຂອບເຂດສິດຂອງຫົວໜ້າພາກວິຊາ:
- ຊີ້ນຳນຳພາການຫັນເອົາແຜນຍຸດທະສາດຂອງຄະນະພາກວິຊາເຂົ້າພາກປະຕິບັດຕົວຈິງໃນພາກວິຊາ
- ສ້າງແຜນພັດທະນາພາກວິຊາທັງໄລຍະສັ້ນ ແລະ ໄລຍະຍາວໃຫ້ສອດຄ້ອງກັບແຜນຍຸດທະສາດຂອງຄະນະວິຊາ ແລະ ສະພາບຄວາມເປັນຈິງຂອງພາກວິຊາ
- ເຕົ້າໂຮມທຸກກຳລັງເພື່ອປະຕິບັດແຜນການໃຫ້ມີປະສິດທິພາບ
- ຕິດຕາມ, ກວດກາ, ສະຫຼຸບ ແລະ ລາຍງານຜົນການເຄື່ອນໄຫວຕ່າງໆຂອງພາກວິຊາໃຫ້ຄະນະວິຊາຢ່າງເປັນປະຈຳ
- ປະກອບສ່ວນຊອກຫາແຫຼ່ງລາຍຮັບຕ່າງໆເຂົ້າຄະນະວິຊາ
- ເປັນຕົວແທນຂອງພາກວິຊາໃນການເຄື່ອນໄຫວງານກິດຈະກຳຕ່າງໆທັງພາຍໃນ ແລະ ຕ່າງປະເທດຕາມການມອບໝາຍຂອງຄະນະບໍດີ
- ສະເໜີບັນຈຸ, ນຳໃຊ້ ແລະ ຄຸ້ມຄອງພະນັກງານ, ຄູ, ອາຈານ, ນັກສຶກສາ ແລະ ນັກຄົ້ນຄວ້າຂອງພາກວິຊາຕາມລະບຽບຫຼັກການ
- ສະເໜີນຳໃຊ້ງົບປະມານ, ແຫຼ່ງລາຍຮັບຕ່າງໆ, ວັດຖຸອຸປະກອນ, ພາຫະນະ, ອາຄານສະຖານທີ່ ທີ່ໄດ້ຮັບອານຸມັດ ແລະ ຢູ່ພາຍໃຕ້ການຄຸ້ມຄອງຂອງຄະນະກະເສດສາດ ເຂົ້າໃນການເຄື່ອນໄຫວວຽກງານຕາມພາລະບົດບາດ ຖືກຕ້ອງຕາມຂໍ້ກຳນົດກົດລະບຽບຂອງມະຫາວິທະຍາໄລແຫ່ງຊາດ ແລະ ລະບຽບກົດໝາຍຂອງລັດ.
- ຕິດຕໍ່ພົວພັນ ແລະ ສົມທົບກັບພາກວິຊາ ແລະ ພະແນກການຕ່າງໆໃນ ແລະ ນອກຄະນະວິຊາຕຕາມການອະນຸມັດຂັ້ນເທິງເພື່ອການພັດທະນາທາງດ້ານວິຊາການ
- ປະຕິບັດໜ້າທີ່ ແລະ ສິດອຶ່ນຕາມການມອບໝາຍຂອງຄະນະບໍດີ
2. ໜ້າທີ່ ແລະ ຂອບເຂດສິດຂອງຮອງຫົວໜ້າພາກວິຊາ
ຊ່ວຍຫົວໜ້າພາກວິຊາຮັບພິດຊອບວຽກງານຝ່າຍຕ່າງໆຕາມການມອບໝາຍ, ກໍລະນີຫົວໜ້າພາກວິຊາບໍ່ຢູ່ ຮອງຫົວໜ້າພາກວິຊາຜູ້ທີ່ຖືກມອບໝາຍຢ່າງເປັນລາຍລັກອັກສອນມີສິດບໍລິຫານວຽກຂອງພາກວິຊາ
3. ໜ້າທີ່ ແລະ ຂອບເຂດສິດຂອງຫົວໜ້າໜ່ວຍວິຊາ
- ວາງແຜນ ແລະ ຈັດຕັ້ງການຮຽນການສອນພ້ອມທັງຕິດຕາມ, ກວດກາ, ປະເມີນຜົນ, ພັດທະນາການຮຽນ-ການສອນ ໃນວິຊາທີ່ກ່ຽວຂ້ອງກັບຄວາມຮັບຜິດຊອບຂອງຕົນໃຫ້ມີຄຸນນະພາບ
- ຈັດຕັ້ງການຄົ້ນຄວ້າວິທະຍາສາດ ແລະ ການບໍລິການວິຊາການແກ້ສັງຄົມໃຫ້ມີປະສິດທິພາບ ຕາມການເຫັນດີຂອງພາກວິຊາ
- ຄົ້ນຄວ້າພັດທະນາແຜນການສອນ, ຄູ່ມືການສອນ, ປຶ້ມວິຊາການ, ວາລະສານວິຊາການທີ່ກ່ຽວຂ້ອງກັບການສອນຂອງຄູ, ອາຈານໃນໜ່ວຍວິຊາຂອງຕົນ
- ສະຫຼຸບລາຍງານການປະຕິບັດວຽກງານທີ່ຕົນຮັບຜິດຊອບຕໍ່ພາກວິຊາ
- ປະຕິບັດໜ້າທີ່ອຶ່ນໆຕາມການມອບໝາຍຂອງຫົວໜ້າພາກວິຊາ
ຄະນະກະເສດສາດ, ມະຫາວິທະຍາໄລແຫ່ງຊາດ ຕ້ອນຮັບ ແລະວາງແຜນກິດຈະກໍາໂຄງການອາສາ "ນົມດີເພື່ອເດັກນ້ອຍລາວ, Milk For Laos” ຮ່ວມກັບ ມ.ແຫ່ງຊາດ ເຊອຸນ ສ.ເກົາຫຼີ
ຄະນະກະເສດສາດ, ມະຫາວິທະຍາໄລແຫ່ງຊາດ ຕ້ອນຮັບ ແລະວາງແຜນກິດຈະກໍາໂຄງການອາສາ "ນົມດີເພື່ອເດັກນ້ອຍລາວ, Milk For Laos” ຮ່ວມກັບ ມ.ແຫ່ງຊາດ ເຊອຸນ ສ.ເກົາຫຼີ
ໃນວັນທີ 23-24 ພຶດສະພາ 2018 ທີ່ຜ່ານມາ ຄະນະກະເສດສາດ, ມະຫາວິທະຍາໄລແຫ່ງຊາດ ໄດ້ຕ້ອນການຢ້ຽມຢາມຈາກຄະນະອາຈານແລະວິຊາການຈາກ ສ.ເກົາຫຼີ ເພື່ອຮ່ວມມືແລະປຶກສາຫາລືກ່ຽວກັບການເຮັດກິດຈະກຳອາສາສະໝັກໂຄງການ ”ນົມດີເພື່ອເດັກນ້ອຍລາວ” ຄັ້ງທີ2 ຂອງປີ 2018 ເຊິ່ງຈະດຳເນີນການໃນເດືອນກໍລະກົດນີ້ ໂດຍມີອາສາສະໝັກຈາກ ຄະນະກະເສດສາດ ມະຫາວິທະຍາໄລແຫ່ງຊາດ ແລະ ອາສາມະໝັກຈາກ ມະຫາວິທະຍາໄລແຫ່ງຊາດເຊອຸນ ສ.ເກົາຫຼີ, ນອກຈາກນັ້ນຄະນະຮັບຜິດຊອບທັງສອງຝ່າຍຍັງໄດ້ໄປທັດສະນະສຶກສາ ແລະຖອດຖອນບົດຮຽນຈາກຟາມງົວນົມທີ່ ມະຫາວິທະຍາໄລ ຣາຊະພັດອຸດອນທານີ, ສະຫະກອນງົວນົມສີທາດ, ອົງການສົ່ງເສີມການລ້ຽງງົວນົມແຫ່ງປະເທດໄທ ທີ່ແຂວງອຸດອນທານີ, ປະເທດໄທ ທັ້ງນີ້ກໍ່ເພື່ອແນໃສການຮ່ວມມື, ການຄົ້ນຄວ້າ ແລະການພັດທະນາການລ້ຽງງົວນົມຂອງ ຄະນະກະເສດສາດ ກໍ່ຄືຂອງ ສປປ ລາວ ໃນອານາຄົດ.
ລາຍງານໂດຍ: ວ.ຊະນະ
ຄກສ.ມຊ. ຕ້ອບຮັບ ຄະນະຊາວກະສິກອນຜູ່ລ້ຽງງົວ, ພະນັກງານຂະແໜງລ້ຽງສັດ ຈາກແຂວງວຽງຈັນ ແລະ ຊ່ຽວຊານຈາກອົງການຮ່ວມມືສາກົນ ສ.ເກົາຫຼີ (KOICA)
ຄະນະຊາວກະສິກອນຜູ່ລ້ຽງງົວ, ພະນັກງານຂະແໜງລ້ຽງສັດ ຈາກແຂວງວຽງຈັນ ແລະ ຊ່ຽວຊານຈາກອົງການຮ່ວມມືສາກົນ ສ.ເກົາຫຼີ (KOICA) ຢ້ຽມຢາມຮຽນຮູ້ລະບົບການລ້ຽງງົວ ກັບຟາມວິໃຈແລະພັດທະນາການລ້ຽງສັດ, ພາກວິຊາລ້ຽງສັດແລະການປະມົງ, ຄະນະກະເສດສາດ, ມະຫາວິທະຍາໄລແຫ່ງຊາດ
ໃນວັນທີ 4 ມີຖຸນາ 2018 ທີ່ຜ່ານມາ ທາງຟາມວິໃຈແລະພັດທະນາການລ້ຽງສັດ, ພາກວິຊາລ້ຽງສັດແລະການປະມົງ, ຄະນະກະເສດສາດ, ມະຫາວິທະຍາໄລແຫ່ງຊາດ ຕ້ອນຮັບແລກປ່ຽນບົດຮຽນກ່ຽງວກັບລະບົບການລ້ຽງງົວ ກັບ ຊາວກະສິກອນຜູ່ລ້ຽງງົວຈຳນວນ 10 ຄອບຄົວ ຈາກບ້ານແອກຊ້າງ ເມືອງໂພນໂຮງ, ບ້ານຖິ່ນຍຸງ ເມືອງວຽງຄໍາ, ພະນັກງານຂະແໜງລ້ຽງສັດ, ພະແນກກະສິກຳ-ປ່າໄມ້ ແຂວງວຽງຈັນ ພ້ອມທັງຊ່ຽວຊານ ຈາກອົງການຮ່ວມມືສາກົນ ແຫ່ງ ສ.ເກົາຫຼີ (KOICA) ໃນໂອກາດນີ້ ຄະນະຜູ່ຢ້ຽມຢາມໄດ້ຮັບຟັງການບັນຍາຍແລະແລກປ່ຽນບົດຮຽນກັບທ່ານ ອຈ.ປອ.ວຽງສະກຸນ ນາປະເສີດ ເລື່ອງລະບົບການລ້ຽງງົວ ນັບແຕ່ລະບົບການລ້ຽງ, ການໃຫ້ອາຫານ, ການຈັດການ ລວມເຖິງການຕະຫຼາດຊີ້ນງົວ ໃນ ສປປ ລາວ.
ລາຍງານໂດຍ: ວ.ຊະນະ
ຄກສ.ມຊ. ຕ້ອນຮັບຄະນະອາຈານ ແລະນັກສຶກສາແລກປ່ຽນຝຶກງານ ຈາກ ມ. ຣາຊະພັດພິບູນສົງຄາມ, ປະເທດໄທ
ຄະນະກະເສດສາດ, ມະຫາວິທະຍາໄລແຫ່ງຊາດ ຕ້ອນຮັບຄະນະອາຈານ ແລະນັກສຶກສາແລກປ່ຽນຝຶກງານ ຈາກ ມະຫາວິທະຍາໄລ ຣາຊະພັດພິບູນສົງຄາມ, ແຂວງພິດສະນຸໂລກ, ປະເທດໄທ
ໃນວັນທີ 6 ພຶດສະພາ 2018 ທີ່ຜ່ານມາ ຄະນະບໍດີ ຄະນະກະເສດ, ມະຫາວິທະຍາໄລແຫ່ງຊາດ ທ່ານ ຮສ. ຟອງສະມຸດ ສຸທຳມະວົງ, ໄດ້ກ່າວຕ້ອນຮັບການມາຢ້ຽມຢາມຂອງ ຄະນະອາຈານ ແລະ ນັກສຶກສາ ຈາກຄະນະເຕັກໂນໂລຊີອາຫານແລະກະສິກຳ, ມະຫາວິທະຍາໄລ ຣາຊະພັດ ພິບູນສົງຄາມ, ແຂວງພິດສະນຸໂລກ, ປະເທດໄທ. ເຊິ່ງຈຸດປະສົງການມາຢ້ຽມຢາມຂອງເພິ່ນຄັ້ງນີ້ແມ່ນເພື່ອ ມາຢ້ຽມຢາມແລະເຊື່ອມໂຍງຄວາມຮ່ວມມືດ້ານວິຊາການລະຫວ່າງສອງຄະນະ ນອກຈາກນັ້ນຍັງໄດ້ສົ່ງນັກສຶກສາ ຈຳນວນ 2 ຄົນ ຄື ນາງບຸນຍະລັດ ວັນຟາ (ນ້ອງບິວ) ແລະ ນາງ ດຸນລະຍາ ໂຮລາສາດ (ນ້ອງດຣີມ) ຈາກສາຂາວິສະວະກຳກະເສດ ມາແລກປ່ຽນຝຶກງານເປັນເວລາ 45ວັນ ທີ່ ພາກວິຊາລ້ຽງສັດແລະການປະມົງ ໂດຍມີ ທ່ານ ອຈ.ປອ. ວຽງສະກຸນ ນາປະເສີດ ເປັນອາຈານທີ່ປຶກສາ.
ລາຍງານໂດຍ: ວ.ຊະນະ
ບົດຄວາມອື່ນ ໆ...
ໝວດໝູ່ຍ່ອຍ
ຊົມເຊີຍຄູອາຈານ ພາກວິຊາລ້ຽງສັດ ແລະ ການປະມົງ ໄດ້ຮັບຕຳແໜ່ງວິຊາການໃໝ່ 0
ພາກວິຊາລ້ຽງສັດ ແລະ ການປະມົງ, ຄະນະກະເສດສາດ, ມະຫາວິທະຍາໄລແຫ່ງຊາດ ຂໍສະແດງຄວາມຍິນດີນຳ
|
ທ່ານ ອຈ.ປອ. ວຽງສະກຸນ ນາປະເສີດ ທີ່ໄດ້ຮັບແຕ່ງຕັ້ງດຳລົງຕຳແໜ່ງວິຊາການ ຂັ້ນ ຮອງສາດສະດາຈານ ສາຂາ ວິທະຍາສາດການລ້ຽງສັດ
|
ທ່ານ ຊອ. ປທ. ພອນສັກ ມັດທະວົງ ທີ່ໄດ້ຮັບການແຕ່ງຕັ້ງດຳລົງຕຳແໜ່ງວິຊາການ ຂັ້ນອາຈານ ສາຂາວິທະຍາສາດການປະມົງ
|
